棉花糖嘅原理

將固態糖塊, 通常砂糖倒入小型加熱罐中加熱，罐口周圍開有許多小細孔；開孔位置位於一個大型金屬容器嘅上面。由於熱力會將糖原本嘅結構分解成更細嘅分子，所以當加熱罐把將糖融化為液體後，整個裝置就開始旋轉，以高速旋轉產生離心力(高達60rpm)。從加熱罐頂部嘅小孔中開始噴射出體積極細嘅液態糖滴，因為離心力嘅作用，糖滴被甩出細孔。噴射過程中，糖嘅表面積會增大無數倍，因而可以喺冷空氣中迅速由液態凝固成固態。

液態物質遇冷凝固嘅速度與其體積有關，體積越小，凝固得越快。因此棉花糖機加熱器中嘅小細孔直徑設計得超迷你(約50微米)，從細孔中噴出嘅糖漿即刻就凝結成糖絲，唔會粘埋一齊，成為一條條幾乎用肉眼睇唔到嘅糖絲。

金屬容器內充滿咗大量細小嘅糖絲，只需用一枝錐形紙棒就可將其收集，並卷繞成大家熟悉嘅棉花糖形狀。

至於近期有好多唔同形狀嘅棉花糖,其實因為棉花糖機離心力嘅原理，將糖漿甩出去，就好似乾衣機利用離心力將水甩走一樣。基於糖本身係有可塑性，只要一層一層地繞上去，就可以製作各色各樣嘅形狀。

//唔同顏色?

係由於砂糖中添加咗唔同顏色嘅食用色素色。食用色素有分天然同人工合成。前者，其實指人工合成已存在喺天然物中嘅色素，例如β- 胡蘿蔔素（β-carotene）、葉黃素（Lutein）、核黃素（Riboflavin）即維生素B2（Vitamin B2）等。但台灣大學食品科技研究所兼任教授許庭禎指出，儘管是由化學合成產生，但實際上其化學結構與天然色素成份並無不同，所以都會叫天然色素。後者就將煤焦油經過蒸餾、硫化、硝化等加工處理分離出。

Reference: BBC, foodnext.net, Scishow