點解外國人老得快？

小編海外留學嘅時候,滿懷期待打開門,發現入面嘅同學個樣好「成熟」，仲以為自己take咗個master course...無奶油嘅, 大家都係undergrad, 點解白人比亞洲人更顯老呢?

//到底係東方人的抗衰老能力強? 定係白人老得快?

首先了解一下皮膚係點樣衰老，「後生好多骨膠原」呢句說話固然係真嘅，但實際撐起你臉龐嘅主角係—脂肪。膠原蛋白雖然係皮膚中的重要成分，主要位於真皮層，幫助皮膚保持水分，使令皮膚柔韌。但真皮層嘅厚度通常只有 1-2mm，唔同人之間好難出現太大嘅差距。而令人人顯得“膠原蛋白滿滿”嘅係皮下脂肪組織，其厚度能夠達到 10mm 左右。

隨歲月流逝，皮下脂肪逐漸流失，皮膚就會逐漸出現鬆弛、細紋、乾燥、變薄、失去彈性等問題＝衰老開始......相比白人亞州人（特別係東亞人）我地嘅皮膚有更薄嘅表皮層同更厚嘅真皮層。再加上骨骼與肌肉結構唔同，東亞人普遍比歐美人臉更圓，皮下脂肪更厚，所以即使流失速度相同都冇咁明顯。

講起結構唔同，亞洲人臉型普遍較為圓潤和飽滿，有娃娃臉嘅效果，令人睇落更年輕。而白人顴骨較為突出，臉形棱角分明，所以睇落相對成熟。

而衰老分為兩個階段：第一階段干癟，第二階段下垂。

所以概括以上兩點：白人更容易乾癟（脂肪少），而亞洲人更容易下垂（臉型圓潤）

//不過呢種現象歸根結底都同基因有關。

2016年，中科院北京基因組研究所、荷蘭伊拉斯姆斯大學、英國聯合利華集團聯合其他國家的科研人員發現同皮膚衰老有關嘅MC1R基因。

被喻為「顯老基因」嘅MC1R基因，係人類皮膚合成黑色素過程中嘅關鍵，仲控制住黑色素細胞修復紫外線（UV)造成嘅DNA傷害，同時都保護住我們嘅皮膚，不幸被太陽曬傷時，它仲會修復我們嘅皮膚。如果MC1R基因遺傳有缺陷或變異(mutation)，係會造成皮膚缺乏黑色素天然嘅保護同皮膚修復功能，從而導致更多紫外線對皮膚造成損傷，嚴重甚至會導致基因突變，引發皮膚癌。

另外，科學家發現當MC1R基因變異，係會導致人睇落去比實際年齡平均大兩歲。而白人普遍攜帶MC1R基因嘅變異種，所以喺抵抗陽光能力上比較弱，再加上白人嘅膚色明顯黑色素比亞洲人少，自然對紫外線嘅保護就較弱。

但偏偏西方人喺生活習慣就係鍾意曬太陽同埋好希望會曬黑。。。

（亞洲人有幾怕曬大家去過沙灘就一家會明）

亞洲人雖然睇落冇咁老，有天生嘅基因同構造優勢，不過後期保養都好重要，出街記住要搽防曬！