口罩嘅防曬效果

有日同朋友講起 :「日日都要帶口罩，眼以下既妝真係可以慳返晒😷」友人隨即話:「係呀,防曬都慳返一半！」到底口罩防到菌但防唔防到曬既呢？

紫外線分為UVA, UVB, UVC 三種，UVA 波長最長，穿透力最強。我地防曬所針對嘅就係能直達地面嘅UVA 及 UVB 呢兩種紫外線。UVB 波長較短，穿透力較低，只能到達皮膚表皮層。但真正令人煩惱嘅係UVA， 因為穿透力強，連雲層、窗戶、衣服都難以阻擋，而且因為能量較UVB低，影響皮膚都唔會出現熱辣辣嘅感覺，容易被忽略。至於UVB，傷害主要喺表皮層，但能量較強。因此容易造成曬紅、曬傷，但因為 UVB 嘅穿透力較低，防護難度會比 UVA 低。

長期接觸紫外線而曬傷嘅皮膚會導致皮膚癌，最常見有基底細胞癌(basal cell carcinoma，BCC) ，鱗狀細胞癌(Squamous-cell carcinoma, SCC)及最致命嘅黑色素瘤(Melanoma)

//咁到底口罩防唔防到曬？

可惜，正因UVA 穿透力強，所以常見嘅醫用口罩（外科口罩、N95口罩、KF94口罩等）對防曬僅有輔助作用，紫外線仍然會穿透口罩直接照射到皮膚上。

因此喺佩戴口罩嘅日子都係乖乖地搽防曬，當然最好嘅防曬方法就梗係留喺屋企啦！#stayhome#staysafe

小貼士：ＰＡ？ＳＰＦ？

「PA」是指防止UV-A嘅級別，以防曬效果講，PA+代表「具保護功效」，而PA++則代表「具很好嘅保護功效」。SPF（Sun Protection Factor）值，為抵抗UV-B指數及顯示令皮膚曬傷所需時間嘅倍數。

SPF值越高，或+號越多，防UV-A嘅效果就越好！

Reference: Australian Radiation Protection and Nuclear Safety Agency, World Health Organisation, Greenvines