洒精消毒嘅效用？

確診人數創新高，令到人心惶惶, 除咗最基本去邊都帶口罩, 小編都會瘋狂用酒精揉手，不過有陣時都驚，究竟出邊嘅酒精消毒係咪真係消到毒架？

//首先點解酒精可以殺菌?

最主要係酒精可以引起蛋白質變性(protein denature)，分解細菌嘅細胞膜(cell membrane)，導致其不能運作而死亡。

//不過酒精濃度並非越高越好。

高濃度酒精(95％)，的確可以即刻將細菌嘅表面蛋白凝固，但都只限外層，原因係濃度過高嘅酒精（如 95%），由於脫水力太強，會快速地將微生物最表層嘅蛋白質脫水而凝固，反而妨礙咗酒精繼續滲透進入微生物的內層，導致微生物內部仍有活性，好似冇殺一樣，造成反效果。

要用～ 75% 嘅酒精，先可以令微生物嘅蛋白質變性、溶解脂質，並兼具穿透效果，進而達到徹底殺菌的嘅功能。

坊間都有一種唔完全正確嘅講法，「酒精只殺死細菌(bacteria)，不能殺死病毒(virus)，所以酒精於居家環境的消毒有限。」

事實係，根據美國疾病控制與預防中心 (CDC) 嘅資料，酒精其實對能產生內胞子 (endospore) 嘅細菌無效，如芽孢桿菌屬 (Bacillus) 或芽孢梭菌屬 (Clostridium) ；

此外，酒精濃度係 60～80%，就能有效殺滅所有親脂性病毒(Lipophilic Virus)，如疱疹(Herpes)、牛痘(cowpox)、流感病毒(Influenza)等具有外套膜 (envelope)嘅病毒都同樣可以被酒精殺死，而「無」外套膜的病毒，如A 型肝炎(hepatitis A)、小兒麻痺病毒(Poliovirus)則效果有限。

好彩嘅係今次嘅冠狀病毒屬有外套膜病毒，酒精係對佢係有效。所以只要係酒精濃度在 60～80%就可以安心使用喇!

小tips: 上述提到只要濃度介符於70-78％嘅酒精，其實都可以達到殺菌99％效果，所以唔一定需要稀釋到好準先有用。假如想喺屋企自行稀釋９５％嘅藥用酒精，可以選擇用蒸餾水或煮過嘅水，以「４酒１水」嘅比例，用同一個杯或容器， 4 杯 95% 酒精 ＋ 1 杯水 ＝就可以調配到 76% 酒精。

Reference: Centers for Disease Control and Prevention (CDC) Guideline for Disinfection and Sterilization in Healthcare Facilities., ResearchGate Why is 70% ethanol used for wiping microbiological working areas?, PanSci